خلصت جامعه وبتدور علي وظيفة ؟ هاقولك إلي محدش قالهولي وانا في سنك!
خلصت جامعه وبتدور علي وظيفة ؟ خليني اقولك اللي محدش قالهولي وانا في سنك! ف ارجوك ركز اوي!!
– الفترة دي مش بتاعت فلوس خالص! الفتره دي فتره الزراعة عشان لما تكبر تحصد اللي زرعته ف اشتغل في المكان اللي تلاقي فيه ناس تعلمك حتي لو بمرتب ضعيف!
– أياك تتردت أنك تشتغل في شركه صغيره! الميزه هناك أنك هتلم بكل حاجه بتحصل في كل الأقسام
– بلاش من موضه الاستارت أب بيزنيس وانك تعمل مشروع لنفسك! أتعلم في فلوس الناس الأول ,وفي نفس الوقت إكسب خبرات وطور نفسك وعلم نفسك كل يوم معلومات جديدة في مجالك وكورسات تكسبك معلومات في وقت قليل تقدر تسخدمها في شغلك فتكون عندك خبرة.
– متخفش من إنك تتنقل كتير! أسطورة أن ال Jumper أو اللي بيتنقل كتير غلط دي اسطوره اخترعها اخوانا الHR عشان يستَعبدُ حديثي التخرج لأطول فتره ممكنه! طالما بتتحرك للمكان الأحسن اتحررررررك!
– أعمل علاقات علي قد ما تقدر! اه الشغل في مصر والسعودية والكويت والإمارات وأغلب البلاد العربية قايم علي العلاقات (مقصدش الوسايط)
– ضيع فلوسك علي الكورسات! التعليم مبيخسرش نهائي ,كل كورس هتاخدة هيديلك نقطة إيجابية في صالحك !!
– لو كل 3 شهور معملتش تعديل لCV وزودت كورسس اخدتها أعرفك انك ماشي غلط!
– إشغل نفسك في الشغل وأنك تتعلم! ولو اشتغلت Call Center متقعدش اكتر من سنه فيها!
– آخر حاجه إياك تكون بخيل! أتعلمت حاجه علمها للي حواليك ,الرزق بتاع ربنا، كقاعده الجزاء من جنس العمل! هتعلم حد هيجيلك اللي يعلمك!! هتساعد حد يلاقي شغل؟! هيجيلك اللي يجبلك شغل لحد عندك!!
الكام سطر دول خلاصه 8 سنين شغل ما بين شغل في الجامعه وشغل في شركات ومكاتب محاسبه وبنوك! جايز يكون جزء من كلامي غلط او مش قياسي بس صدقني لو في هدف من البوست دا ف هو اني اقولك كلام كان نفسي اسمعه اول ما أتخرجت.
الكاتب: Sami Adel Morsy