متأجلش حياتك.. الشغل مش الحياة!!

الشغل مش الحياه !!

أهميه الشغل تكمن في أنه يوفر ليك حياه أدميه .. إنما الشغل في حد ذاته مش حياه!!

الشغل ما هو إلا وسيله بتقدر من خلالها تحقق كيان وتجيب فلوس تخليك تعرف” تعيش حياتك مبسوط”

دا دور الشغل أو الوظيفة من أول الإنسان البدائي اللي كان بيطلع يصطاد (يشتغل) عشان ياكل ويقدر يكمل باقي يومه في اي حاجه تانيه غير الصيد

– بلاش تسخر حياتك للشغل وبس!!
– بلاش تقعد اكتر من المواعيد الرسميه في شغلك !!
– متأجلش زيارات ومناسبات عائليه بسبب الشغل !
– بلاش تيجي علي حساب صحتك وال Inner peace بسبب الشغل !!

كل يومين نسمع عن حد من سننا أو أصغر اتوفي بسبب ضغط الشغل او الضغط النفسي بسبب الشغل اللي ادي لحجات كتيره !

فنصيحه يعني .. محدش بيفتكر حد بعد ما بيموت ويقول الله يرحمه كان بيحقق التارجت !! المكان اللي أنت بتموت نفسك عشانه أنت بالنسبه له كرسي عليه موظف ولما يحصلك حاجه هيبدلك بموظف غيرك بسهوله !!

الخلاصه : حاول دايماً تحافظ علي ال WORK LIFE BALANCE وخليك دايماً فاكر أن اللي بيقعد اوفرتايم في شغله مش شاطر هو بس مش عارف ي Manage his time

– دور علي اللي بيخليك مبسوط وأبدء فيه حالا ! العب رياضه ، أقرأ، أرسم، ساهم في نشاط خيري، اعمل أعمال تطوعية، خصص وقت اكبر لأسرتك، عيد اكتشاف نفسك واهتماماتك مره تانيه 💚

بغض النظر عن اللي هتقرر تعمله بس صدقني وقتها بس هتتأكد أن التعب زيادة عن الازوم ف الشغل مش حياه وانك كنت بضيع حياتك في ال ولا حاجة!

وبالمناسبة “لما تموت وانت مأجل شغل احسن ما تموت وانت مأجل حياة” 💪

الكاتب: Maged Hassaan عن المبالغة في العمل والضغط الزائد