خطوات كتابة سيرة ذاتية أحترافية
علشان تطلع بـ CV اقل ما يقال عنه انه ممتاز لازم تنفذ الخمسين خطوه دول و تتأكد انك عملتهم و بكده تضمن لنفسك CV قوى جد ويقوى فرصتك فى الحصول على وظيفه ☺
1- متكتبش كلمه CV فى نص الصفحه اكيد هو مكنش داخل المطبخ واكتشف بالصدفه انه CV
2- الصوره مبتتحطش على اليمين لو عربى او على الشمال لو انجليزى الصورة مبتتحطش اصلا فى الـ CV فى بعض الوظائف بتطلب وجود صوره فتحطها ولما تحط الصورة تكون فورمال .
3- صوره الولاد الفورمال بلاش تكون سلفى او متصور فى جنينه او قاطعها من فرح صاحبك
4- صورة البنات بلاش تكون ميكب اوفر او بوز بطة او ورك الوزة علشان خاطرى
5- لو زنقت معاك قوى وعاوز تحط اطار هو المربع الأسود العادى بس بلاش قلوب ودباديب والنبي .
6- الأسم بيتكتب ثلاثى زى البطاقة فى اول الصفحه فوق
7- بعدها بتكتب العنوان
8- العنوان غرضه مدى بعدك عن الشغل مش جاى يتعرف عليك فى البيت
9- العنوان يكون مختصر بيشمل المحافظة، المدينه ، القريه او الحى
10- متكتبش مسقط رأسك انا هستفاد بيه ايه متبقاش مقيم في القاهرة وكاتبلي في الـ CV المنوفية اكيد مش هكلمك
11- لو سألك فى الأنترفيو مكتبش العنوان ليه اتفاجىء و قوله حسين عادل قالى مبيتكتبش ☺
12- تكتب رقم التليفون بعد كده
13- البنات تكتب رقم التليفون اللى بترد فيه على ارقام غريبه علشان خاطرى مش اتصل الاقي الحاجة بتحقق معايا ?
14- اعمل شريحة مخصصه للشغل بس علشان تبقى عارف انها للشغل وتعرف انك لما ترد عليها تكون فورمال فى الرد مش ازيك يا شقيق و عامل ايه يا برنس و فينك ياعمنا ??
15- الأيميل بتاعك يكون فورمال ابعد عن ايميلات Sarasasoo و prince Loxur و نجم الجيل – الميل الفورمال هو اسمك الأول.اسمك الأخير@اى حاجه.com زى مثلا [email protected] – لو معرفتش تعملها اول حرف من اسمك. اسمك الأخير زى مثلا [email protected]
16- اكتب لينكد ان لو الأكونت عندك كامل و فورمال و متظبط و بتنشر عليه.
17- اللينك بتاع لينكد إن لازم يكون مختصر و يكون مميز لو مش عارف ازاى تقدر تعرفها من هنا .. http://goo.gl/YNCYUO
18- ممكن تحط لينك الفيس بوك بتاعك لو ميزه لو هتقدم مثلا على شغل فى السوشيال ميديا و كنت شغال و عامل نماذج على البروفيل بتاعك
19- اكتب قبل ما تبدأ اى حاجه الـ Job Title او المسمى الوظيفى يعنى انت مقدم على وظيفه ايه علشان هو اكيد مش فاضيلك يقعد يتوقع.
20- الـ Job Title او المسمى الوظيفى حضرتك زى ما هو كاتبه فى الوظيفه متخترعش مسمى جديد علشان خااااااااااطرى .
21- متكتبش حاجه اسمها Objective كانت موضه قديمه و خلصت اكتب اول حاجه مكان الـ Objective الـ Summaryy و ده افضل بكتير – الـ Summaryy لازم يكون شامل انت مين / بتعمل ايه / ايه مميزاتك / ليه اختارك انت عن غيرك.
22- التعليم بتاعك بتكتب الجامعه الأول بعد كده الكليه مش العكس ..
23- لو واخد MBA او شهاده بعد الكليه بتكتبها قبلها بعدين بتكتب القسم بتاعك و التقدير.
24- لو التقدير اقل من مقبول متكتبوش وقدم على الوظيفة عادى لو طالب تقدير اعلى ولو سألك قوله حسين عادل قالى مبيتكتبش و اشتم شويه انا مسامح؟
25- اكتب الخبرات بتاعتك او الـ Experience و ترتبها .. المنصب، اسم الشركه، سنين الشغل .
26- متكتبش المسمى الوظيفى بتاع الشغل وتسكت لأن ده مش ميزه اتكلم عن انجازات عملتها.
27- الأنجازات بتتقاس بلغه الأرقام فأكتب بالأرقم.
28- الخبرات بتتكتب من الأحدث للأقدم.
29- الطلبة الخبرة بتاعتهم طبقا لـ Monster من العمل التطوعى و التدريبات الصيفيه و المنح.
30- مفيش حاجه اسمها اكتب انا متجوزة ولا مطلقه ولا مسلمه ولا مسيحيه .
31- مبنكتبش فى الـ CV حاجه اسمها ICDL خالص لأنها محو اميه كمبيوتر.
32- الـ Skillss هما اما كمبيوتر او لغه .. مفيش جامد جداً فى البرزنتشن ولا تنين فى الأقناع و لا مقطع السمكه و ديلها فى العرض و الألقاء كل ده بلح.
33- متكونش مقدم جوه مصر و فى شركه مصريه و تكتبلى Native:Arabic هتشلنى اقسم بالله.
34- لازم تكون بتعرف تشتغل على الـ Word/Excel/Power Point و الا متعملش CV احسنلك.
35- بتكتب البرامج بتاعتك اللى بتشتغل عليها و تكتب قصد كل برنامج مدى اجاتك ليه.
36- الـ Bold فى الـ CV زى الماس فى الحياه مبتعملوش الا للحاجه اللى انت عاوزها تشد انتباهه بس.
37- خط الأسم بيكون من 20-22 pt و عناوين الفقرات بيكون 12pt وباقى الكلام 11 pt.
38- الخطوط المستخدمه Arial , Times New Romann بلاش خطوط مسروقة و مش موجوده ابوس ايدك.
39- افضل حاجة تبعت الـ CV بصيغة PDF عشان اي صيغة تانية بتبوظ وبتضيع معلومات كتير.
40- لما تخالص الـ #CV راجعه على الموقع ده هيقولك التقييم بتاعك و ايه الغلط عندك و تصلحه.. http://goo.gl/X7S66j.
41- يمكنك إنشاء سيرتك الذاتية الإحترافية في دقائق (سيرة ذاتية).
الكاتب: Hussien Adel