تحذير عن اللبن المعلب وخصوصاً بالفواكة والنكهات

بما اننا داخلين موسم المدارس
اباء وامهات كتير معتمدين على اللبن بالفواكهه المعلب لاطفالهم من مبدأ انه احسن من مفيش وبيحسو بالسعاده لما الطفل يشرب ٢ او ٣ علب يومياً .

للاسف الحليب بالنكهات ماهو الا كمية سكر مخيفة مضاف على الحليب

ومن اسباب بدانة الاطفال
وافساد الشهية
العبوة ال ٢٥٠ ل ٣٥٠ ملي حوالي ٢٠ ل ٣٠ جرام سكر
يعني قدر ٥ ل ٦معالق
في شركات بتتحايل انها ماتكتبش نسبة السكر على العلبه وتكتب الكاربوهيدريتس بس
وفي شركات مش بتكتب نسبة الدهون الغير المشبعة وتكتب المشبعة بس او الاجمالي.
او تشيل الدهون تماما ودي عملية بتفقد الحليب اهم عناصره .
وبعض الابحاث ربطت بين استهلاك الحليب بالنكهات و ارتفاع نسبة الاصابة بالسكر النوع التاني
*المصدر اول تعليق*

الخلاصه الحليب بالنكهات اضراره اكتر من اي فايده مرجوه والمفروض يعامل معاملة الحلويات للاطفال.
لو طفلك مرتبط بيه يبقى
الاحسن تحطي انتي على الحليب العادي قطع الفاكهه اللي طفلك بيحبها مضروبة في الخلاط
او تضيفي كاكاو خام بديل للشوكلاته او تسيحي قطعة شوكلاته دارك في الحليب وعبيه في نفس العلبه الفاضيه ?
ومش لازم يتحلى لا بسكر ولا عسل
الافكار كتير و البدايل متوفره بشويه تغيرات بسيطه.
و اطفالنا يستاهلو الوقت ده مننا.

قبل ماتسألني عن نوع محدد انت بتستخدمه ، اقلب العلبة وشوف كم السكر قد ايه المذكور فيها.لان الكلام ده ينطبق على اغلب الانواع
وكمان الزبادي بالفاكهة


Writing rights to Safa7 el Fat