مهارات التفكير الإبداعي وطرق تنميتة

3 صفات موجودة لأصحاب التفكير الإبداعي

الاشخاص أصحاب التفكير الإبداعي بيكون ليهم عدد من الصفات اللي بتميزهم عن غيرهم من الأشخاص زي:

1- قادرين على رؤية الصورة كاملة
معظم الأشخاص دايمًا بيركزوا تفكيرهم على التفاصيل والأحداث الصغيرة
لكن الأشخاص المبدعين دايمًا بيركزوا على الصورة الكاملة
عشان يقدروا يحللوا الموقف صح وبالتالي يقدموا حل مناسب

2- المرونة
دايمًا الشخص صاحب التفكير الإبداعي بيتصف بالمرونة
بمعنى إنه بيقدر يتكيف مع أي تغيير بيحصل لخططه أو حياته

3- الفضول
أصحاب التفكير الإبداعي دايمًا عندهم فضول للمعرفة والتعلم
وطول الوقت بيدوروا على إجابات مختلفة وجديدة لكل الأسئلة اللي بتشغلهم

مهارات التفكير الإبداعي وطرق تنميتة

1- التساؤل المستمر
الخبراء بيأكدوا إن الأسئلة هي أول خطوة على طريق التفكير الإبداعي
لإن التساؤل بيفتح آفاق جديدة للعقل
عشان كده لازم في كل موقف بتمر بيه تسأل نفسك مجموعة أسئلة زي إيه اللي هيحصل لو … أو إزاي ممكن استفيد منه بعد كده

2- الصندوق
التفكير الإبداعي مرتبط ذهنيًا عند ناس كتير بالتفكير بره الصندوق
بس الأول لازم تكون عارف كل حاجة عن الصندوق
“ادرس القواعد أولا ، وعندها ستعلم كيف يمكنك كسرها لاحقًا”
عشان كده لازم يكون عندك المعرفة الأساسية بمجال تخصصك عشان تقدر تحدد إيه اللي تبعد عنه وإيه الطرق الجديدة اللي ممكن تسلكها للوصول لأفكار مبدعة

3- التأمل
بيعتبر من أفضل طرق تصفية العقل وتحسين تفكيره
عشان كده المرة الجاية لما تمر بموقف صعب أو مشكلة محتاجة حل مبدع
أول حاجة تعملها إنك تاخد نفس عميق وتهدي نفسك وتدي الفرصة لعقلك إنه يستوعب الموقف ويبدأ يتسائل
فالتأمل هيساعدك إنك توصل لأفضل الأفكار والحلول لما يكون العقل في أعلى درجات التأمل

4- التجربة
لازم تتعلم تجرب طرق مختلفة لحل أي مشكلة أو لأداء أي مهمة
مش كل الطرق هتنفع طبعًا
لكن التجربة نفسها هتفتح لعقلك أبواب جديدة تساعده على التفكير بإبداع

5- الثقافة
المعرفة والثقافة العامة بتعتبر وسائل تزيد من التفكير الإبداعي للإنسان
عشان كده لازم تقرأ الكتب والمقالات والصحف ومشاهدة البرامج التلفزيونية والوثائقية
لإن كل ده بيزود من معارف الإنسان
وبالتالي هتزيد الطرق والأدوات اللي ممكن تلجأ لها لحل مشاكلك أو الوصول لأفكار جديدة زيادة ثقافتك ومعرفتك هتأدي لتوسيع مجال تفكيرك الإبداعي

6- التخيل
التخيل واحد من أهم وسائل التفكير الإبداعي
فالعلماء بيأكدو إن التفكير الإبداعي لا يأتي نتيجة للذكاء الخارق، لكن من خلال التدريب على ممارسة التخيل والحلم
عشان كده لازم تخصص جزء من يومك لممارسة التخيل وأحلام اليقظة

7- شرح الأفكار
الشرح وتفسير الأفكار بيعتبروا من وسائل زيادة التفكير الإبداعي للإنسان
فشرحك لأفكارك الخاصة واقتراحاتك هيساعدك على رؤية الجوانب المختلفة للموضوع
وبالتالي توصل لأفكار ونتائج مختلفة

العناصر الأساسية للتفكير الإبداعي

العناصر الأساسية للتفكير الإبداعي

1- الأصالة
والمقصود بيها إن الشخص يكون عنده القدرة على إنتاج أفكار جديدة غير تقليدية وغير مكررة

2- المرونة
تعني القدرة على التحول والانتقال من حال إلى حال استجابة للظروف والمتغيرات التي تحدث للشخص

3- الطلاقة
والمقصود بيها إن الشخص قادر على إنتاج عدد كبير من الحلول أو الأفكار الإبداعية

4- الحساسية
بمعنى إن الشخص يكون قادر على اكتشاف المشكلات بسرعة والتدخل لحلها

عن طور وأتغير