الأكل قبل تمرين الحديد هل مفيد ولا مضر؟

—–وجبة قبل التمرين———-

اولا لازم تلغي معتقد ان وجبة قبل وبعد التمرين دول اهم وجبتين الكلام ده مش صحيح وجبات اليوم كله والاسبوع والشهر كلهم في نفس الاهمية يعني لو مهتم بوجبه قبل وبعد بس ومهمل باقي الوجبات يبقى ماعملتش حاجه .
البوست ده هاتكلم عن وجبة قبل التمرين وحسب المده الزمنية بين اخر وجبة و التمرين تاكل قد ايه من السعرات و النوعية:

لو هاتاكل قبل التمرين ب3 ل 4 ساعات وأكتر حاول تاكل وجبة متكاملة فيها بروتين وكارب معقد (بطئ الامتصاص) ودهون صحية.
وتكون بين 500 ل 700 سعر حراري.
مثال: فراخ بطاطا زيت زتون وممكن تزود خضار
. .

لو هاتاكل قبل التمرين يساعة ونص ل ساعتين تكون الوجبة زي اللي فاتت بس اقل في السعرات و الخصم يكون من الدهون الصحية و الخضار وترفع الكاربوهيدريتس . (٣٠٠ الى ٤٠٠ سعر).
.
لو هاتاكل قبل التمرين بساعة أو أقل وجبة تحتوي على كارب بسيط (سريع الامتصاص) عشان يرفع سكر الدم ويعطيك طاقة سريعة للتمرين وابعد عن الدهون الصحية و الخضار .
(١٠٠ الى ٢٠٠ سعرة).
مثال رز ابيض او فاكهة وممكن تضيف واي بروتين باودر
.
السعرات اللي كتبتها تقريبية وتختلف حسب احتياج كل شخص
اخيرا مفيش حاجه اسمها تروح تتمرن وتشيل اوزان او مجهود بدني عالي على معدة فاضية ده زي ماتكون بالظبط رايح الشغل بالفانلة والكالسون
الا لو انت شغال في قطونيل ده موضوع تاني..

Writing rights to Safa7 el Fat