إزاي تسوق لنفسك علي لينكد إن
How To Build Your Personal Branding on LinkedIn
رداً علي رسايل ناس كتير بتسألني إزاي تسوق لنفسها .. أنت مش محتاج غير إنك تجاوب علي الاسئلة دي
١- أنت مين
اعرف نفسك و إيه هي مواصفاتك وشخصيتك وتعليمك والحاجات اللي بتحبها وإيه هي قيمتك الحالية في المجتمع
٢ – بتعمل إيه
إيه هي الحاجات اللي بتقدمها والمهارات اللي عندك وبتتعامل مع الناس إزاي
٣- إيه اللي هيخلي الناس تثق فيك
هل عشان سيرتك الذاتية ولا شهاداتك و اللي اتعلمته ولا الأنشطه اللي بتعملها ولا التوصيات اللي بتقال في حقك من ناس تانيه و بتفكر إزاي وإيه مصادرك
٤- أنت مفيد في إيه
هل هتكون مفيد للناس كمكانه اجتماعية ولا بتفيدهم في جزء علمي ولا محفز ليهم ولا هيتفاخروا بتعاملهم معاك
٥- إشمعنا أنت
إيه اللي هيخليك مميز عن غيرك والناس تتابعك أنت وإيه هي قيمتك عند الناس وإيه المحتوي اللي بتقدمه .. هل الناس بتستفيد منك .. طب هل ليك مكانه في السوق تخلي الناس تتابعك .. اسأل نفسك إشمعنا يختاروك أنت مش حد تاني
٦- الناس هتعرفك و توصلك إزاي
هتتواصل مع الناس من خلال ايه .. هل مثلا السوشيال ميديا ولا هتعمل بلوج أو ويب سايت ولا من خلال الايفينتات اللي بيتم استضافتك فيها وطب هل هيبقي ليك صورة او لوجو مميز يعرفوك بيه .. الخ
٧- حدد مين هما اللي هيتابعوك
مين هما الناس اللي انت بتكلمهم .. لازم تعرف تفاصيلهم واماكن تواجدهم ومستوي تعليهم وغيره والنقطة دي مهمة جدا
٨- أنت هتكسب إيه من كل ده
لازم تحدد إيه اللي عايز توصله .. هل مكانه معينه أوفلوس أومتابعين ولا سمعة .. الخ
٩- آخر حاجه : حدد أنت محتاج إيه عشان تبدأ تسوق لنفسك صح
هل محتاج كورسات معينه أوتدريب أوناس تشاركك في تحقيق هدفك أوتنضم لمؤسسة معينه
جاوب علي الاسئلة دي وبمجرد ما تعرف نفسك أكتر و تحدد هي عايزة ايه هتلاقي نفسك عملت خطة بسهولة عشان تسوق لنفسك
ابدأ سوق لنفسك ومتنساش تعمل شير عشان تفيد غيرك ومحدش عارف انت ممكن تكون سبب في تغير حياة مين ؟
الكاتب: Muhammad Gad
ممكن كمان تشوف أفكار تانية علي سلايد شير بيقدمها معتز ياسر إضغط هنا