نصائح قانونية لحقك داخل شغلك للحفاظ علي حقوقك

وظائف وظيفة الحقوق القانونية في العمل , قانون العمل ,حقوق الموظفين ,حقوق الموظف

( علي سبيل المثال لا الحصر ) .

1 – حتما و لابد يكون متأمن عليك من أول يوم شغل في المنشأة

مادة 4 تأمينات إجتماعية .

2 – لو حد قال لك إن التأمين بعد ثلاثة أشهر إعرف إنه ( لص و غير أمين ) .

3 – يجب أن يكون أجرك المبلغ به للتأمينات هو أجرك الكامل

مادة 5 تأمينات إجتماعية .

4 – لو حد قال لك إنت سنك صغير و خسارة التأمين بالأجر ده إعرف إنه

( لص و غير أمين )

5 – يجب أن تتأكد من أنه تم التأمين عليك فعلا

حتي لو مضوك علي استمارة التأمين .

6 – لازما و حتما و لابد تكشف طبي ابتدائي قبل الشغل عشان تتحدد

سلامة الأذن من أولها – مادة 216 قانون عمل – .

7 – لابد من استخراج البطاقة العلاجية ( عن طريق شئون العاملين ) .

8 – لابد من أن تقوم بتوقيع الكشف الطبي علي الأذن منك لنفسك

عن طريق التأمين الصحي لتتأكد من سلامة الأذن .

9 – مواعيد العمل في الوردية الواحدة لا تزيد عن 8 ساعات .

مادة 80 قانون عمل .

10- أي زيادة عن عدد ساعات الوردية تحتسب ساعات عمل إضافية .

مادة 85 قانون عمل .

11- لابد و حتما و لازما تاخد ساعة راحة كل 5 ساعات شغل .

تابع نصائح حقوقك في العمل

مادة 81 قانون عمل .
12- لازم تاخد راحة أسبوعية كل ستة أيام عمل م 83 قانون عمل .

13- إذا اشتغلت يوم الراحة الأسبوعية من حقك علي المنشأة تاخد يوم بديل

بالإضافة إلي أجر يوم من المرتب مادة 85 فقرة ثالثه قانون عمل .

14- إذا اشتغلت أيام الأعياد من حقك عليهم تصرف أجر يومان كاملان

عن كل يوم عيد – مادة 52 قانون عمل .

15- أي حد يقول لك حاجة غير الكلام ده إعرف إنه ( لص و غير أمين ) .

16- ساعات العمل الإضافية في الفترة بين الغروب و الشروق = 1.7

من أجر الساعة العادية – مادة 85 فقرة ثانية قانون عمل – .

17- ساعات العمل الإضافية غير ذلك = 1.35 من أجر الساعة العادية .

ماده 85 فقرة ثانية قانون عمل – .

18- إعرف إن مفيش جزاء بدون تحقيق كتابي – م 64 قانون عمل – .

19- مفيش حاجة اسمها إنذار بالفصل عمال علي بطال .

20- لك زيادة سنوية 7 % من أجرك التأميني كل يناير ماتتأخرشي يوم واحد .

مادة 3 من قانون الإصدار لقانون العمل .

21- مش من حق صاحب العمل يرفدك عمال علي بطال .

22- لو عقدك محدد المدة و أجبروك علي ترك الخدمة قبل انتهاء العقد

لازم يصرفوا ليك بقية مدة التعاقد كتعويض .

23- لو عقد مفتوح و عايزين يمشوك تاخد عن كل سنة شغل

أجر شهرين علي الأجر الشامل تعويض مادة 122 من قانون العمل فقرة ثانية .

24- تبقي مصيبة لو ودنك باظت و معندكش تأمين صحي و بطاقة علاجية .

25- رصيد إجازاتك السنوي بينزلك 21 يوم أول ما تشتغل –

لكن تستفيد من ال 21 يوم بعد ستة أشهر من تعيينك مادة 47 من قانون العمل .

26- الوقف عن العمل يكون نتيجة تحقيق كتابي – مادة 66 من قانون العمل .

27- الوقف عن العمل مدفوع الأجر بالكامل و مايتخصمشي من رصيد الإجازات .

طالما داخل المنشأة – مادة 66 من قانون العمل .

28- مفيش جزاء أكثر من خمس أيام في الشهر

و الباقي يترحل – مادة 61 من قانون العمل – .

29- لو أخدت سلفه ما يتخصمشي منك أكثر من 10 % من الأجر .

مادة 43 من قانون العمل .

30- ليك إجازات مرضية 180 يوم في السنة الميلادية الواحدة .

مادة 78 من قانون التأمينات الاجتماعية .

31- الإجازات المرضية عن طريق التأمين الصحي .

32- بتصرف قيمتها من التأمين الاجتماعي و الباقي من الشركة .

33 – ماتمضيش علي استقالة أو إخلاء طرف من الباب للطاق إرجعلي .

34 – لو عقدك مقتوح ماتمضيش علي عقد تاني – إرجع لي الأول .